Home Kullħadd Tinfetaħ l-Ambaxxata ta’ Malta fil-Ġappun

Tinfetaħ l-Ambaxxata ta’ Malta fil-Ġappun

8
0
SHARE
Advertisement

Il-Ministeru għall-Affarijiet Barranin u Ewropej bi pjaċir jinforma li l-Ambaxxata ta’ Malta fil-Ġappun uffiċjalment fetħet il-bibien tagħha lbieraħ.

Fi stqarrija maħruġa mill-Ministeru għall-Affarijiet Barranin u Ewropej intqal lli Malta u l-Ġappun ilhom igawdu minn rabtiet bilaterali eċċellenti sa mit-twaqqif ta’ relazzjonijiet diplomatiċi fil-15 ta’ Lulju 1965. Permezz ta’ intensifikazzjoni fil-kuntatt bilaterali bejn iż-żewġ pajjiżi matul l-aħħar ftit snin, ittieħdet id-deċiżjoni li tinfetaħ ambaxxata f’Tokjo.

Din id-deċiżjoni tħabbret għall-ewwel darba f’Novembru 2018.

Il-Ministeru għall-Affarijiet Barranin u Ewropej tenna li huwa sinjal ta’ suċċess li l-ftuħ ta’ din l-ambaxxata ħabat mal-55 anniversarju mit-twaqqif tar-relazzjonijiet diplomatiċi, u indikazzjoni ċara li Malta tħares lejn il-Ġappun bħala sieħeb importanti, kif ukoll mexxej notevoli fl-affarijiet dinjija.

L-Ambaxxata ta’ Malta fil-Ġappun hija preseduta mill-Ambaxxatur Andre Spiteri.

 

Ritratt: MFEA

L-artikolu oriġinali jinstab fuq is-sit Kullħadd

LEAVE A REPLY

Please enter your comment!
Please enter your name here