Home Kullħadd BIL-FILMAT: Żewġ persuni arrestati fis-Swieqi wara qabda ta’ kważi 130,000 sigarett tal-kuntrabandu

BIL-FILMAT: Żewġ persuni arrestati fis-Swieqi wara qabda ta’ kważi 130,000 sigarett tal-kuntrabandu

11
0
SHARE
Advertisement

Il-Pulizija arrestat raġel ta’ 54 sena mis-Swieqi u raġel ta’ 26 mill-Mosta wara operazzjoni b’rabta ma’ qabda ta’ sigaretti tal-kuntrabandu.

L-operazzjoni fis-Swieqi bdiet għall-ħabta tal-ħamsa tal-Ħamis filgħaxija.

Kelliem għall-Pulizija qal li kollox beda minn rappoort ta’ serq ta’ pakketti ta’ sigaretti minn maħżen fix-xatt tal-Belt, serq li kien ilu għaddej għal diversi jiem.

Minnufih il-Pulizija bdiet b’operazzjoni bejn ir-Reati Maġġuri u d-Distrett tal-Belt u d-Dwana Maltija fi Triq il-Qatta fis-Swieqi fejn kienu qed jinżammu s-sigaretti.

Minn informazzjoni li kiseb ONE News instabu tlettax-il kaxxa li kien fihom 50 grossa. Kien hemm madwar 6,490-il pakkett bi kważi 130,000 sigarett.

L-Investigazzjonijiet għadhom għadejjin u mhux eskluż li kien hemm iktar sigaretti maħzuna jew misruqa.

L-artikolu oriġinali jinstab fuq is-sit Kullħadd

LEAVE A REPLY

Please enter your comment!
Please enter your name here