Home Kullħadd Malta u t-Turkija jiddiskutu s-sitwazzjoni fil-Mediterran

Malta u t-Turkija jiddiskutu s-sitwazzjoni fil-Mediterran

8
0
SHARE
Advertisement

Il-Ministru għall-Affarijiet Barranin u Ewropej Evarist Bartolo kellu laqgħa mal-Ministru tad-Difiża Tork Hulusi Akar waqt żjara uffiċjali li qed jagħmel f’pajjiżna.

Iż-żewġ Ministri tkellmu fuq it-tisħiħ tar-relazzjonijiet bejn iż-żewg pajjiżi fl-oqsma tal-investiment, l-infrastruttura, it-turiżmu u t-tagħlim tal-Ingliż. Kien hemm qbil wkoll li ż-żewġ pajjiżi jikkoperaw fil-ġlieda kontra l-kriminalità internazzjonali organizzata, il-ħasil tal-flus, it-traffikar tal-bnedmin, il-kummerċ tad-droga u t-terroriżmu.

Il-Ministru Bartolo wera t-tħassib tiegħu dwar it-tensjoni qawwija fil-Lvant Mediterran u appella għall-kalma, it-tfittxija għall-kompromess u l-ġid komuni, in-negozjati madwar mejda, u l-ħarsien tal-liġi internazzjonali fit-tilwim bejn it-Turkija, il-Greċja u Ċipru.

Dwar il-Libja, il-Ministru Bartolo stqarr li Malta hija favur Libja waħda, magħquda u f’idejn il-Libjani stess. Saħaq li l-gwerra mhix soluzzjoni. Imma l-Libjani għandhom ikunu appoġġjati biex isibu ftehim bejniethom biex pajjiżhom, fost l-aktar sinjuri fil-Mediterran, jieħu r-ruħ għall-ġid tal-poplu Libjan. Tenna l-paċi u sigurtà fil-Libja huma wkoll essenzjali sabiex fl-Ewropa u fil-Mediterran jikun hemm aktar paċi u s-sigurtà.

Ritratti: MFEA

 

L-artikolu oriġinali jinstab fuq is-sit Kullħadd

LEAVE A REPLY

Please enter your comment!
Please enter your name here